အလွယ်တကူရှာရန်

Thursday, September 8, 2011

နေပြည်တော်-ရန်ကုန်လမ်းပိုင်းတွင် လျှပ်စစ်အမြန်ရထား ပြေးဆွဲလာနိုင်

နေပြည်တော်-ရန်ကုန်လမ်းပိုင်းတွင် နောင်အခါ လျှပ်စစ်အမြန်ရထားပြေးဆွဲနိုင်ရန် အလားအလာရှိကြောင်း ရထားပို့ဆောင်ရေးဝန်ကြီးဌာန ပြည်ထောင်စု ဝန်ကြီးက ပြည်တွင်းမီဒီယာများနှင့်တွေ့ဆုံစဉ် ထုတ်ဖော်ပြောကြားလိုက်သည်။

ယင်းနှင့်ပတ်သက်၍ တက်ရောက်လာသော သတင်းစာဆရာတစ်ဦး၏ မေးမြန်းမှုကို ပြည်ထောင်စုဝန်ကြီးက နေပြည်တော်သည် ရုံးများစိုက်ရာ ဗဟိုချက်မ နေရာ ဖြစ်လာကြောင်း၊ ယခုရန်ကုန်မှ နေပြည်တော်သို့ ရထားဖြင့် သွားလာရာတွင် ၈ နာရီခန့်ကြာမြင့်ကြောင်း၊ ခရီးသွားချိန်လျော့ချနိုင်ဖို့ အမြန်ရထားဖြင့် ပြေးဆွဲနိုင်ကြောင်း၊ ရထားလုပ်ငန်းတွင် ရှေ့တန်းရောက်နေသည့် တရုတ်နိုင်ငံအနေဖြင့် ၁ နာရီကီလိုမီတာ ၄၀၀ သွားနိုင်မည့် မြန်နှုန်းမြင့် ရထား၊ ၁ နာရီ ၁၈၀ ကီလိုမီတာဖြင့် သွားနိုင်သည့် အမြန်ရထားများရှိကြောင်း၊ တရုတ်မြန်နှုန်းမြင့် ရထားလမ်း တည်ဆောက်ရန် မဖြစ်နိုင်သေးကြောင်း၊ ရန်ကုန်- နေပြည်တော်လမ်းတွင် ၁ နာရီ ၁၈၀ ကီလိုမီတာ ပြေးဆွဲမည့် တရုတ်အမြန် ရထားတည်ဆောက်သင့်ကြောင်း၊ မြန်မာ- တရုတ်နိုင်ငံ BOT စနစ်ဖြင့် ဆောင်ရွက်မည့် မူဆယ်-ကျောက်ဖြူ ရထားလမ်းမှာ ၁ နာရီ ၁၈၀ ကီလိုမီတာနှုန်း ပြေးဆွဲသည့် လျှပ်စစ်ရထားများဖြစ်ကြောင်း၊ မူဆယ်-ကျောက်ဖြူ ရထားလမ်း ဖောက်လုပ်ရေးစီမံကိန်းမှ နည်းပညာများရယူပြီး ရန်ကုန်-နေပြည်တော် အမြန်ရထားလမ်း ဖောက်လုပ်သင့်ကြောင်း၊ ဖောက်လုပ်ရန်လဲ အခက်အခဲ မရှိနိုင်ကြောင်း၊ နောင်ကာလတွင် နိုင်ငံတော် စီးပွားရေး ဖွံ့ဖြိုးလာသည့်အခါ လျှပ်စစ်အမြန်ရထားလမ်း ဖောက်လုပ်ပေးမည်ဖြစ်ကြောင်း၊ အကယ်၍ ဖောက်လုပ်ပေးနိုင်ပါက ရန်ကုန်-နေပြည်တော် ခရီးသွားချိန် ၂ နာရီ ကြာမြင့်ပြီဖြစ်ကြောင်း၊ ရန်ကုန်-နေပြည်တော် နေ့ချင်းပြန်၍ တက်နိုင်ကြောင်း ပြောကြားသွားသည်။
ယခုအခါ စီးပွားရေးလုပ်ငန်းရှင်များသည် မိမိ၏စီးပွားရေးလုပ်ငန်းများ အပါအဝင် ပြည်သူအများလည်း တစ်နေ့ထက်တစ်နေ့ သွားလာမှု ပိုမိုများပြားလာ လျက်ရှိကြောင်း သိရသည်။ “ဒီလိုမျိုး အမြန်ရထားတွေလိုထိတော့ မမျှော်လင့်သေးပါဘူး။ လက်ရှိပြေးဆွဲပေးနေတဲ့ ရထားတွေကိုပဲ တိုးချဲ့ပြေးဆွဲ ပေးနိုင်အောင် ပထမဆုံးစီစဉ်ပေးသင့်ပါတယ်”ဟု စီးပွားရေးလုပ်ငန်းရှင် ဦးအောင်မြင့်က သုံးသပ်ပြောကြားသည်။
နေပြည်တော်-ရန်ကုန်လမ်းပိုင်းသည် အကွာအဝေးအားဖြင့် ၂၂၅ မိုင်ရှိပြီး ရန်ကုန်မှ နေပြည်တော်သို့ နံနက် ၈ နာရီနှင့် ၁၁ နာရီတို့တွင် အဆန်နှစ်စင်း ပြေးဆွဲလျက်ရှိပြီး နေပြည်တော်မှ ရန်ကုန်သို့ နံနက် ၆ နာရီမှ ၉ နာရီတို့တွင် အစုန်နှစ်စင်းပြေးဆွဲပေးလျက်ရှိကြောင်း သိရသည်။


မြန်မာသတင်းရပ်ဝန်း မှ ကူးယူဖော်ပြပါသည်။

No comments:

Post a Comment